.jpg)
NG-PRESS.BY
АДУКАЦЫЙНАЯ ПРАСТОРА БЕЛАРУСІ Ў АДЗІНЫМ СЕТКАВЫМ ВЫДАННІ (16+)
05.02.2021 - ГРОДЗЕНШЧЫНА, Рэгiёны
Прыклад настаўніка – перамогі вучняў
Навучэнцы Пятрэвіцкай сярэдняй школы – дзіцячага сада Навагрудскага раёна вельмі любяць спорт, заўсёды ўдзельнічаць у розных спартыўных спаборніцтвах і атрымліваюць перамогі. Вялікая заслуга ў гэтым настаўніка фізічнай культуры і здароўя Леаніда Юшкевіча.
Вось і днямі навучэнцы школы Максім Агейка і Раман Духоўнік у суправаджэнні настаўніка прынялі ўдзел у спаборніцтвах па праграме зімовага шматбор’я “Абаронца Айчыны” у Навагрудку сярод юнакоў дапрызыўнага і прызыўнога ўзросту. Па выніковым заліку хлопцы занялі II месца.
Леанід Юшкевіч зацікаўлівае вучняў асабістым прыкладам. На працягу многіх гадоў ён удзельнічае ў традыцыйным раённым спартыўным свяце “Навагрудская лыжня”. Праходзіць яно на тэрыторыі спартыўна-біятлоннага комплекса “Сялец” і штогод збірае шмат спартсменаў-аматараў розных узростаў і прафесій. Актыўны ўдзел у стартах прымаюць і работнікі сістэмы адукацыі. Сёлета ў гэтым спаборніцтве наш настаўнік заняў I месца ў асабовым заліку.
Юля СЫЦЭВІЧ,
вучаніца 11-га класа
NG-PRESS.BY
АДУКАЦЫЙНАЯ ПРАСТОРА БЕЛАРУСІ Ў АДЗІНЫМ СЕТКАВЫМ ВЫДАННІ (16+)
25.01.2021 - Фотарэпартаж Месца сустрэчы – школьны парк
Леанід ЮШКЕВІЧ, настаўнік фізічнай культуры і здароўя Пятрэвіцкай сярэдняй школы – дзіцячага сада
Навагрудскага раёна
Месца сустрэчы вучняў і настаўнікаў Пятрэвіцкай сярэдняй школы – дзіцячага сада Навагрудскага раёна ў суботні дзень – школьны парк. Усе спяшаюцца на зімовыя забавы, якія дораць добры настрой, незабыўныя ўражанні і ўмацоўваюць здароўе.
Ад лёгкага марозіка і калючага ветру хлопчыкі і дзяўчынкі ратаваліся актыўным удзелам у конкурсе на лепшую фігуру са снега. За праяўленыя кемлівасць, вясёлы нораў і спрыт усе атрымалі салодкія пачастункі. А пасля дзятву чакалі школьны каток і лыжная траса.
https://ng-press.by/2021/01/25/mestsa-sustrechy-shkolny-park/
https://ng-press.by/2020/12/02/peramoga-maksima-agejki/
NG-PRESS.BY
АДУКАЦЫЙНАЯ ПРАСТОРА БЕЛАРУСІ Ў АДЗІНЫМ СЕТКАВЫМ ВЫДАННІ
02.12.2020 - ГРОДЗЕНШЧЫНА, Рэгiёны
Перамога Максіма Агейкі
У канцы лістапада ў гімназіі № 1 Навагрудка праходзіў другі этап Рэспубліканскай алімпіяды па прадмеце “Фізічная культура і здароўе”. У другі этап алімпіяднага спаборніцтва выйшаў і навучэнец 11-га класа Пятрэвіцкага дзіцячага сада – сярэдняй школы Навагрудскага раёна Максім Агейка.
Спачатку Максім паспрабаваў свае сілы ў тэарэтычным заданні і плаванні, а на другі дзень хлопцу неабходна было прайсці тэсціраванне па чатырох відах: чаўночны бег, нахіл уперад са становішча седзячы, скачкі ў даўжыню, падцягванне. Таксама ўдзельнікі алімпіяды павінны былі паказаць свае здольнасці і ўменні ў спартыўных гульнях – баскетболе, валейболе, гандболе і футболе. Наш вучань па суме балаў заняў першае месца.
Да ўдзелу ў алімпіядзе Максіма рыхтаваў настаўнік фізічнай культуры і здароўя Леанід Юшкевіч. Для гэтага педагога спорт стаў прафесіяй амаль сорак гадоў таму. На працу ў Пятрэвіцкую школу Леанід Леанідавіч прыйшоў пасля заканчэння Віцебскага педагагічнага інстытута імя С.М.Кірава. З таго часу праз яго рукі прайшлі сотні юнакоў і дзяўчат, якім ён прывіваў любоў да спорту.
Перамога Максіма Агейкі на другім этапе алімпіяды па фізкультуры – гэта няспынная праца пад кіраўніцтвам настаўніка і жаданне дасягаць вяршынь. Віншуем Максіма і яго педагога і жадаем далейшых перамог!
Іна СВОРАБ,
намеснік дырэктара па вучэбнай рабоце
https://ng-press.by/2020/09/22/drugoe-mestsa-u-shkaliyadze/
NG-PRESS.BY
АДУКАЦЫЙНАЯ ПРАСТОРА БЕЛАРУСІ Ў АДЗІНЫМ СЕТКАВЫМ ВЫДАННІ
22.09.2020 - ГРОДЗЕНШЧЫНА, Рэгiёны
Другое месца ў “Шкаліядзе”
Пятрэвіцкія школьнікі паказалі сваю добрую спартыўную падрыхтоўку ў раённым этапе рэспубліканскіх спаборніцтваў “Шкаліяда”.
Значнасць “Шкаліяды” немагчыма пераацаніць. Гэта своеасаблівы масток ад праекту “300 талентаў для Каралевы”, у якім прымаюць удзел вучні 1–4 класаў, да першых юнацкіх чэмпіянатаў краіны.
Раённы этап рэспубліканскай “Шкаліяды–2020” па лёгкай атлетыцы прайшоў на стадыёне “Камсамолец” Навагрудка. У спаборніцтвах прынялі ўдзел школьнікі 5–6-х класаў 2008 года нараджэння і маладзей.
Юныя спартсмены нашай установы адукацыі вельмі стараліся паказаць свае лепшыя “метры” і “хвіліны”, каб не толькі заняць пераможнае месца ў індывідуальным заліку, але і прынесці ачкі сваёй зборнай і паспрачацца за каманднае першынство. Намаганні нашых хлопчыкаў і дзяўчынак не прайшлі дарам – у нас другое месца ў раённым этапе рэспубліканскай “Шкаліяды–2020” па лёгкай атлетыцы сярод навучэнцаў сельскай мясцовасці!
Леанід ЮШКЕВІЧ,
настаўнік фізічнай культуры і здароўя
https://ng-press.by/2020/09/14/subota-na-velasipedze/
NG-PRESS.BY
АДУКАЦЫЙНАЯ ПРАСТОРА БЕЛАРУСІ Ў АДЗІНЫМ СЕТКАВЫМ ВЫДАННІ
Субота на веласіпедзе
Наталля ЮШКЕВІЧ
Сапраўднае свята зладзілі сабе актыўныя навучэнцы Пятрэвіцкай сярэдняй школы – дзіцячага сада, што ў Навагрудскім раёне.
У мінулую суботу школьнікі разам са сваімі бацькамі адправіліся ў невялікае падарожжа на веласіпедах. Гэты транспарт вельмі карысны для здароўя: выдатная зарадка для цела ды яшчэ і прагулка на свежым паветры. А калі круціць педалі ў кампаніі блізкіх людзей, настрой павышаецца ўдвая.
https://ng-press.by/2020/09/07/use-lyubyats-sport/
NG-PRESS.BY
АДУКАЦЫЙНАЯ ПРАСТОРА БЕЛАРУСІ Ў АДЗІНЫМ СЕТКАВЫМ ВЫДАННІ
07.09.2020 - ГРОДЗЕНШЧЫНА, Рэгiёны
Усе любяць спорт
Пятрэвіцкі дзіцячы сад – сярэдняя школа Навагрудскага раёна захапіў спорт. Тут праходзіць комплекснае спартыўна-масавае мерапрыемства “Тыдзень спорту і здароўя”.
Мэта спартыўна-масавага мерапрыемства – прапаганда здаровага, фізічна актыўнага ладу жыцця сярод навучэнцаў, уцягванне іх у сістэматычныя заняткі фізічнай культурай і спортам, папулярызацыя алімпійскіх відаў спорту.
Традыцыйна ў рамках мерапрыемства, ва ўстанове праходзяць фізкультурна-спартыўнае свята “Прывітанне, школа! Мы вярнуліся!”, акцыя “Запішамся ў аб’яднанне па інтарэсах спартыўнага кірунку, спаборніцтвы паміж класамі па шашках, шахматах, настольным тэнісе, спаборніцтвы па міні-футболе і валейболе “настаўнікі – вучні”, конкурс малюнкаў “Здаровы я – здаровая краіна”. Усё гэта падтрымліваюць члены агітбрыгады “Здароўе. Сіла. Прыгажосць”. А яшчэ па даўняй традыцыі старшакласнікі ўрачыста прымуць першакласнікаў у юныя пешаходы.
На працягу тыдня спорту і здароўя ў школьнай бібліятэцы разгорнута тэматычная выставай літаратуры “Спорт! Здароўе! Прыгажосць!”, у фае школы на перапынках транслююцца сацыяльныя відэаролікі прафілактычнай тэматыкі. Актыўныя памочнікі настаўніка фізічнай культуры і здароўя працуюць над стварэннем інфармацыйна-адукацыйных памятак для навучэнцаў і бацькоў па пытаннях здаровага ладу жыцця, якія пасля будуць раздадзены адрасатам.
Пятрэвіцкія школьнікі любяць спорт і з задавальненнем удзельнічаюць у самых розных спартыўных мерапрыемствах. Вось і зараз усе без выключэння задзейнічаны ў правядзенні тыдня. А зборная школы рыхтуецца да ўдзелу ў раённым этапе рэспубліканскіх спаборніцтваў сярод дзяцей і падлеткаў па лёгкай атлетыцы “Шкаліада”.
Леанід ЮШКЕВІЧ,
настаўнік фізічнай культуры і здароўя
https://ng-press.by/category/fotarepartazh/
NG-PRESS.BY
АДУКАЦЫЙНАЯ ПРАСТОРА БЕЛАРУСІ Ў АДЗІНЫМ СЕТКАВЫМ ВЫДАННІ
Месца адпачынку – школьны стадыён
Наталля ЮШКЕВІЧ
Давялося сёння практычна ўвесь вечар правесці на школьным стадыёне аграгарадка Пятрэвічы, які ў летнюю пару пры добрым надвор’і амаль ніколі не пустуе.
Нават нягледзячы на спякоту знаходзяць тут сабе занятак юныя, маладыя і не вельмі аматары спорту. І пакуль не сцямнее, тут ідзе актыўная дзейнасць. Жадаеце футбольны матч – калі ласка! А яшчэ скачкі ў даўжыню, падцягванні, адцісканні… Спартыўны інвентар заўсёды можна атрымаць у дзяжурнага па стадыёне.
Шмат жадаючых і проста пакатацца на веласіпедах па школьных дарожках і пасядзець у школьным парку. А па аўторках і пятніцах увечары тут заўсёды шматлюдна – праходзяць міні-матчы па міні-футболе. Вось так Пятрэвіцкая школа выхоўвае ў дзяцей дух калектывізму, узаемавыручку і адказнасць і аб’ядноўвае дзяцей і дарослых.
