Дзень адчыненых дзвярэй

Для будучых абітурыентаў былі арганізаваны прэзентацыі спецыяльнасцей, майстар-класы і інтэрактыўныя пляцоўкі. Кожнаму ўдзельніку была прадстаўлена магчымасць індывідуальнага кансультавання па пытаннях умоў навучання, прыёму на спецыяльнасць, асаблівасцям уступных іспытаў.
Творчая атмасфера, крэатыўныя і рухомыя энтузіязмам выкладчыкі і студэнты, – такім запомніцца Дзень адчыненых дзвярэй у Гродне.

Таксама дзеці паспелі паглядзець на прыгожыя вулачкі горада Гродна, і правесці час у парку з атракцыёнамі.

Апошнім прыпынкам суботняга дня стаў Гродзенскі дзяржаўны музей гісторыі рэлігіі. Варта адзначыць, што гэты музей з'яўляецца адзіным у краіне музеем такога профіля. Увайшоўшы ў вароты, дзеці трапілі ў вельмі ўтульны дворык, дзе можна спакойна пасядзець і перадыхнуць. Затым усе павольна прайшлі па залах музея. Экскурсавод пазнаёміла навучэнцаў з гісторыяй, культурай і рэлігійнымі поглядамі народаў, якія жывуць у Беларусі.
Так і прайшоў гэты дзень: вельмі насычана, пазнавальна і карысна.